荃灣龍珠堡，一間屹立荃灣多年的漫畫鋪，與很多荃灣的漫畫迷，經歷無數個寒暑......下星期，就結業。

 

亞叔淡淡然說：「係呀，加租加得勁，加埋依家D人鍾意上網睇公仔書，蝕住咁做…唯有唔做咯。」他，如常一般親切。

 

「亞叔，你唔做，咁我點算呀？」這問題，傻得連我自己也發笑…

 

其實，工作忙，時間少，我已經不像學生時代般，整天留連龍珠堡…但是，龍珠堡結業，我真的萬般捨不得…

 

我入會，比起很多師兄，不算長，但數數手指，也有十五年…

 

雖然網上漫畫很方便，但我還是喜歡有本漫畫拿在手，慢慢嘆，從前年假，暑假，甚至現在有空閒，我也會一次租十幾本漫畫回家，這是種享受…

 

亞叔，不算什麼親人，但也算是”睇住我大”。

 

記得當年，漫畫在搜書包時給學校沒收了，亞叔沒有要我賠錢，只跟我說：「你拎返本書先還啦。」我不是受到特別優惠的一位，是因為亞叔就是這樣和藹可親的好人，對人人都這樣好。

 

龍珠堡，這樣越來越罕見的一間溫情小店，就因為加租與網上漫畫的夾擊下，結業了。

 

我不想在此控訴地產商的不是，也不想討論網上漫畫的對與錯，因為再多道理，也挽回不了龍珠堡…我只想說，我真的捨不得龍珠堡的離開…

 

在冷酷無情的商場店鋪圍繞下，我真的捨不得這間，就算沒有新漫畫租，到了也會跟亞叔閒聊兩句的小店。龍珠堡，是間不需什麼 customer relationship management，我也只會忠於它的小店…

 

社會進步，商業無情，有些事，沒辦法改變與轉變，我只能用文字，去紀念龍珠堡，與亞叔。

 

全力以付的累，是種虛脫。

無所事事的累，是種迷失。

漫無目的的累，是種無助。

無可避免的累，是種感嘆。

無法反抗的累，是種放棄。

無能為力的累，就是全力以付過，無所事事也漫無目的，無可避免亦無法反抗，前進不是逃離不能，在一個死胡同內原地轉的........百感交雜。

即係咁，為左達成2011年要出26篇blog既偉大目標，所以除左努力寫下故仔寫下小感之外，都要開下d新Topic，所以就諗左呢個好呃秤既Topic，研詞。

研詞，故名思意，就係研究歌詞。

成日認為，歌如人，曲是人的外表，詞是人的靈魂，你會因為優美的旋律而喜歡上這歌，但這歌能真正感動你的地方，是句句窩心的詞，當然，曲詞都好當然妙，但比我揀，還是以詞為先。

好，今日研的，係 主唱古巨基，作詞林夕，作曲曾家瑋，編曲藝琛 既 蠻不講理

好彩係Youtube搵到片，聽下歌先。

詞：

問有誰可計較清楚  在這人間有幾可公道過
但求不虧心不必志在結果  沒有人可力挽當初
沒有人可永遠都不犯錯  如何花光心計策劃太多
這是愛　誰望天肯將眼開  情人若肯不用誰都會自來  門若上鎖別去開

＊誰辜負你　不服氣　如果他傷你　你吞聲忍氣
　想徹查情人的心理　謀略亦難以令對方歡喜
　講道理　誰講道理　會可免分離　你哪須交戲
　不與旁人殘忍競技　對方選擇你　不管何事都選你＊

沒有誰可勉強得到  沒有誰因算式得出情愫
沒人相戀倚靠上學惡補  這是愛　人是你的定會
流盡淚水怎樣去改變未來  難道回望令你可愛

愛比人生還玄　任你怎計算 再不愛的心怎說服也只會更加倦
互愛發於自願　是人間美眷 不費力氣亦得嘗未了願

Repeat ＊

他感動你　不包含甚麼天理 

---

Overall

呢首歌，其實唔係咁易有感觸，因為呢首歌句句詞都係"亞媽係女人"既大道理，唔夠貼身，所以難有投入感。

不過，當有d經歴，遇過d非分不可或者無奈既情況，呢首歌就會變得句句精警，而最妙既地方，就係用蠻不講理呢四隻字，總括晒詞中所有得解釋，無得拗既大道理........雖然唔係華麗既文字，但句句平實反而更加直接攻入你心。

其實句句顯淺易明，真係無乜好研，但真係填得好好，所以一定要Post呢首歌。

每一次聽，都會有d不同既領悟，有時真係會repeat好多次聽。

詞種：人生經驗式

歌詞Highlight 度：90 %，其實真係句句都值得細味。

最鍾意既一句：

真係好難揀，唯有咁括

"不與旁人殘忍競技　對方選擇你　不管何事都選你   他感動你　不包含甚麼天理"

呢句其實真係唔簡單的， 

不與旁人殘忍競技  <<-----唔令自己受傷害，唔埋沒良心，放鬆自己，平常心，不對自己與別人殘忍，能嗎？

對方選擇你　不管何事都選你  <<----- 是一見鍾情還是千經萬歴也好，是什麼都不做或做錯很多事都好。

他感動你　不包含甚麼天理  <<----- 同一件事同一地點所有條件相同，為何A君做會感動你，B君做會嘔心？就是沒有天理啦！

 

每個人對滿足的定義都不同，甚至，每個人對每段光陰的滿足定義，也可以很不同。

早陣子，跟老婆與外家去食自助餐。

自助餐的質素很不錯，款式琳瑯滿目之餘，亦美味，換著是十八廿二的我，一定大吃大喝，來個肚滿腸肥，滿足得很。

但今次，我望著滿檯美食，卻無甚食慾。

原因，是檯上的食物，沒有一樣能令我滿足，滿足現在的我。

滿足，是食物放進口中後，味道是不散的，回味再回味的，是令人感動的，哪管是新鮮海膽極品鵝肝，還是出爐椰撻，總之，要滿足的，一樣就夠了。

或許說，是自助餐的食物質素，未能有令你滿足的質素，才未能令你生出滿足感。

可能是，但要是一件食物，吃後令你回味再回味，你有意欲在很快的時間去吃下一款嗎？

有機會，小時候，很貪婪，無論上一款食物多美味，也想去試下一款；小時候，滿足感，是一份貪心，與食物的味道沒大關係。

現在，滿足感，是在充足的時間，細意品嚐一種美食。

 

看到很多朋友寫2010回顧，本來也想寫，但發覺有很月份的事，都記不起，哈哈。

最值得記下，都是結婚。

她是一件極品鵝肝，本來就極度美味，她也是一件出爐椰撻，巧合得極度偶然，也令人改變了對滿足感的定義，不再貪心，一件就好了。

 

<我是你的誰>，要爛尾了。

這作品是我重寫計劃裡其中一篇。

那時決定重寫，是因為舊版既<我是你的誰>，太粗糙；

現在決定放棄，是因為，現在的我，根本不是當時的我。

現在的我，想法與"感覺"也跟當時的我大相庭逕，所以，現在重寫<我是你的誰>，不能得心應手之餘，更處處不滿意……我自己在跟自己不斷對抗。

Vol. 13實在寫了太多遍，還是不滿意，終於明白了，這個故事，不再屬於我，她已經是屬於時間的了。

就分手吧。

她帶給我那"青澀感覺"，我會記住，也會用這份感覺，去繼續將來的故事。

就快啦~~我是你的誰 vol.10 終於就快完成啦.............

 距離vol. 09 .........都成 10 個月，根本連我自己都以為爛尾。

我相信好多人都唔會記得個故仔咯~無他0既，連我自己都唔記得，哈哈。

咁點解仲要寫？我都唔知點解， 或者只可以講，放低左寫野咁多次，都總會拎得返起，算我係真係好鍾意寫野呢個活動…

係寫緊vol. 10既時候我發覺……

1.)原來屋企唔再係一個寫野既好地方，我返到屋企，就好想休息，同訓咯…反而坐係星巴克，我好快就起晒稿。

2.) 寫完呢一篇之後，下一篇應該係寫野一個重大既挑戰，但我ok，I am ready。

3.) 有關於純愛情既故事，我諗寫埋呢個，應該會完架啦，畢竟年少輕狂的事情早已過去，而我真係真想寫一個辦公室既故事，咁多年既工作經驗，我相信寫出0黎一定會好爆，我相信連我自己都會寫得好興奮。

4.) 我諗我唔會再有出書呢個想法，畢竟，都係一種虛榮感0者，反而我會搞下電子書呢家黎野，放上各大forum，雖然就算無人睇，我都會繼續寫，但係始終都想有人睇0架嘛。

 有人話blog文化已經沒落，mysinablog呢個平台更加自我放棄，而然筆園更加無人睇添，但暫時寫blog都仲係我既首選……blog同其他文章發表原地最最最唔同既係，這裡就像是我的家，我想點都得，哈哈。

如果有一個新相識既女仔，突然問你呢條咁無聊既問題，你會點答？ ................??

 

以下純粹老作.....

 (閱讀全文)

原來對上一次update個blog,已經係二月一號既事.....

我....並非不重視這裡,而是有心無力.這些日子,真的很忙.

------------------------------------------

結婚在我心中,可以是簡簡單單簽張紙然後一齊住,搞靚下間屋有個小天地咁咁咁,但事實一定唔係咁樣,最少,我唔係.....一壇大龍鳳公諸於世親友高高興興新人忙忙碌碌........各方面配合加埋多方邊既遷就...........good,這就是我的婚禮..

我覺得自己有樣幾唔錯既性格,就係可以煮到埋0黎就食,除非真係好難食,否則我都可以換個心情覺得好好食.雖然搞壇大龍鳳係好叉煩,但見兄弟們出心出力,朋友們全部出席,又確係好開心,自己都natural high埋..可不開心一下??哈哈.

有人好鍾意搞婚禮,有人覺得搞婚禮,但無論鍾意同煩,絕大部份人都咁講,如果可以的話,最好就搞啦壇大龍鳳....

雖然我都係覺得煩0個堆,但我都覺得真係要搞0既........點解呢??

因為當我搞完晒所有0野,返到屋企之後,真係有種"我地結0左婚"既感覺.....嗯.....我諗如果唔搞大龍鳳,唔會有呢種 feel..so.....可唔可以下個結論,搞壇大龍鳳,即係重視我地既婚姻?

-------------------------------------

渡蜜月既地方,真係估都估唔到.......

我係04年零係Sydney機場立下重誓,話十年之內唔返澳洲,點知........五年後,就重臨澳洲.

不過唔同0既,今次去0左東岸四大城市,同讀書既時候,屈係Sydney好唔同.

最正就係係黃金海岸,酒店靚,個自助早餐又正到無得頂.........藍天白雲之下食好好味既炒旦.....飲咖啡....真係呢...個人都健康0左.

跟住仲有好好彩玩到既熱氣球.玩熱氣球真係要睇彩數0架,有雨唔得,大風又唔得,無風都唔得喎......

第一次係黃金海岸出車玩唔到......幾驚呀,好彩係開恩茲搞掂咋......如果唔係,我驚我要再返澳洲~~

老老實實~~升到成三千呎,我係覺得好吾穩陣,好驚的,但係依家寫既時候,又覺得,真係好似未夠高,起碼要穿過雲啦~~

係Sydney,唐人街,Town hall....好多好多地方無乜點變過,更加懷念......最遺憾的,是只欠一根煙.....那些日子,處處都是煙....哈.

---------------------------------------

早排睇到篇報導,內容大約都係講依家d科技執相執到神乎奇技,嗯......我呢件事,有所保留.

我確實鍾意睇一d利用攝影技巧影得好有feel既相,但我唔鍾意睇執得太勁既相.....

有時一個景,人人對眼都睇到唔同既事,利用攝影技巧,就好似出至攝影師對眼一樣,好正.

但執相,就好似呃你咁......

執走一條魚尾紋,但利用攝影技巧影唔到一條魚尾紋,係唔同的~~

執走,就係呃人,但利用技巧,就好似....那一刻...你美得..令我只看見最完美的你一樣.

題外話,其實我真係好想用呢個feel,寫個短篇故仔,但真係心不從力.....一坐埋電腦......就.....眼訓得很....


-------------------------------------------------------------

因為種種關係,最近,我買0左隻1000GB既harddisk......

700 mb , 8GB, 40GB , 80GB , 到 1000GB, 突然好鬆動添,但唔知幾時又會爆呢?

我近排既其中一個大project,就係將所有舊Harddisk 既 data 過晒落去隻新 Harddisk 到......老啦,依家真係懶得就懶,唔會好似以前咁插來插去,鍾意邊隻就插邊隻.....

同埋,原來我至1998年有第一部電腦起,12年來集歌,相,片,文之大成,都係300GB 鬆d......嗯嗯嗯.....無乜特別意思,咁計下0者.

-----------------------------------------------------------

至於這裡的重點.......我的小說.......嗯.........我從未心死的,我心裡沒有放棄過,但要tune下個生活,點分配比佢...

我為何愛爛gag？讓這首歌告訴你。

怎麼要讓我發現你　全世界完美　就由我嘴巴抖震起
一眨眼就已發現你　略過了前戲　一切也這麼沒準備
在這瞬息之間　學會了妒忌　花許多分鐘　靜心欣賞你
願你我的距離　在說話裡式微

可知我習慣數十秒　就說個玩笑　在乎笑聲的多與少
可惜轉頭你告辭了　就算有人笑　這個笑話亦沒巧妙
沒有你的一刻　談吐哪樣妙　　欣賞跟鼓掌亦都不想要
若你也可笑彎了腰　一切方會沒缺少

明日你再有時間　我最掛念的　可會賞賞面跟我聚餐
明日你再有時間　我要過來參觀你化妝間
明日你再有時間　要看你一室擺設　看到我深深感嘆
當然我仍無忘記　然後說笑話

 經過多年既訓練，我一直都以為我自己都OK明白女仔諗乜，但近排發覺，其實我始終都係一個麻甩佬。

好多"乙水"，我都會視而不見咁踩落去，仲踩得好開心添，點知踩完，就知道，食屎啦今鋪。

痛定思痛，我決定開始係腦海入面一直想寫既Topic，男人，序。

序者，縮字也好，食字也好，請君自解。

第一序，我想講既係，控制。

你睇下，當一個小男孩未受污染時，行過玩具鋪都想買架遙控車，你就知道咩叫天性。

控制有咩好？不如我問你，隨心所欲有咩唔好？話明天性，真係好難解釋，總之，當你想架車轉左既時候，佢跟住你想既方向同角度轉，呢種快感，真係好過癮。

又 例如打機，你控制既球隊/人物，贏左你既對手，就算唔情不自禁歡呼，都會沾沾自嘻微笑，點解？因為我勁過你------>我操控好過你 ------>我控制力好過你，呢種感覺，直情無可比擬。所以女仔成日講，"都唔明點解你地打機贏左會開心成咁"。天性，你地係唔會明架啦。

可惜，世界唔係圍住你轉，控制，只會越來越小，到最後，極有可能係受控制，你話，要違反天性，幾咁唔好受先得架。

所以男人發明左一樣終極厲害既武器，講道理。道理，包含道德，包含一種應該同唔應該既意思。因為我地相信任何人都係有教養，會明白咩叫應該同唔應該做，所以係有道理既情況下，可以避免唔應該做(我唔想做)，同應該點做(最好你點做)，目的，都係唔想比人控制，同控制人。

另一個可惜，大部份男性成日都曲解道理去掩飾自己，搞到講道理呢樣武器比人唱衰晒。例如"我出街有我既自由，你做乜要管我。"  ok，人係有自由，但自由係本於自律，唔該自律左先同人講自由。

扯遠左添，或者再有機會先開個topic講"講道理"，不過，就算極惡咁講道理，又或者好溫柔既講道理，到最後既目的，都係唔想比任何人控制，再者就係終極目的，控制人。

講到咁明，一定會有人話，男人係無恥，講乜都係假，都係想控制人或者係唔想比人控制，嗯...............假少少總好過直接同人打對台嘛，大家都明白，自己識做，就最好不過啦，係咪？

同埋鍾意控制唔係壞事黎既，你有無聽過男人講"我係唔鍾意控制自己架啦，我係要任性係要發脾氣架啦，點丫？"雖然都係逃唔出我修養好過你------>我自控力好過你------>我控制力好過你。

既然女性既天性入面都無"控制"呢家野，不如比我控制埋你果份啦。(一種分析性既講道理，又被人稱為歪理。)

所以話呢，就算幾咁幾咁無所謂既男人，心底裡都一底會有句，"如果你咁咁咁做就好啦。"唔信？返去問下你男人細個想唔想架遙控車或者鍾意揸車，又或者打機啦。

不過呢，我就三樣都唔係特別鍾意既，而且我呢類鍾意睇書聽歌既男仔，即係鍾意接受外來既事物，即係好善解人意啦，又唔鍾意控制啦，真係無得頂架，嘻嘻嘻。