亞雅卻非常認真：”我好清楚自己講緊乜呀！”

Bryan：”可能你唔清楚自己既感覺，你未拍過拖，我唔怪你，我曾經都以為我鍾意你，但我地之間只不過係兄妹之情，真正既戀愛感覺唔係咁0架！”

亞雅好激動：”但我好清楚，我好明自己既感覺！”

Bryan：”好丫，如果你咁肯定自己既感覺，同我打個車輪丫。”

(閱讀全文)

亞雅一路都唔出聲，直至亞穎問：”我以為你會有好多問題問我添……”

亞雅：”其實係0架……但唔知點問起好~”

亞穎：”問啦~~~我諗……我都唔會介意0既~”

亞雅：”點解你會拒絕……一個好好既機會喎……”

亞穎講住笑咁答：”講真0丫，FXXK周雖然叫做請我做 Model ，但計落人工都比依家搵得少~~”

亞雅：”剩係咁簡單？？”

亞穎今次認真d：”都唔係0既……其實好吸引0架~~比人賞識喎~~點會唔心動？？但我係唔想再次離開男朋友~~~”

亞雅：”唔……離開都係半年0者……其實都唔係太長……”

亞穎：”或者啦~~~但我同經歷太多啦~”

(閱讀全文)

“喂~~係唔係鄭詩雅小姐？”

“我係~”

“我係 FXXK 周編輯，上次你幫我地影0個 d 硬照，非常好，我想搵你再合作。”

“真係0架？唔係講笑0架？”

“如果唔係真都唔會打比你，但你要有心理準備~~因為我地想開本新書，走高檔市場~~或者會去好多地方取景，會離港一段長時間……”

“0下。？”

“我地都係0岩0岩有咁既計劃，詳細情況……你上到0黎先再傾，再決定都未遲~~好唔好？？”

“好…”

“咁星期五朝你上0黎搵我啦~~我會等你，你有我卡片0架啦~~直接搵我就得啦。”

“好…”

“咁好啦~~bye”

(閱讀全文)

Bryan 同 亞雅都同樣眼定定望住亞穎，雖然大家心態完全唔同。

亞穎見到兩人，主動咁打招呼。

亞穎向亞雅打個招呼：”叫我……亞穎得啦……今次多多指教，你男朋友？好靚仔喎~”

Bryan 心諗大鑊，咁好機會，亞雅實認做自己女朋友，等佢無得溝亞穎，點知亞雅：”唔係呀……佢係……我亞哥……唔係唔係……我朋友……總知好難解釋比你知啦~係亞穎面前亞雅就覺得自己就好似小妹妹咁。

亞穎轉向Bryan，Bryan 即係道：”你好呀，我係Bryan”

亞穎：”呀，有無中文名呀？？我覺得叫中文名親切d。”

“咁……你叫我亞朗得啦。”連Bryan，都覺得自己好似細路一樣。

(閱讀全文)

正所謂”日日勤力讀 FXXK周， 街市講價最勁抽”。

師奶唔讀熟佢，根本唔可以係街市生存。要講價，就要靠 FXXK 周。

大家睇下以下既例子。

鄭太：”今日d 菜心幾錢斤呀？”

賣菜婆：”九蚊斤。”

鄭太：”咁貴？？？？我仲要趕住返去睇”牛精蝦丸”喎~~~”(兩句說話簡直牛頭唔撘馬咀。)

賣菜婆：”係？？？？哎呀~~唔該晒，提我錄~~”

鄭太：”我咁好”人屎”提0左你喎~~係唔係要計平d先？？”

賣菜婆：”好啦好啦~~收你個三蚊斤啦~~”

平六成？有無搞錯？無搞錯，呢個係熟讀節目時間表既功能，離唔離譜先?不過仲離譜既都有。

(閱讀全文)

係張家食緊早餐既亞雅一手將件奶油多掉過去，好彩Bryan反應，接0左食埋，出門口。

就係咁，兩人分別於張家。

亞雅反到自己房，諗，究竟著乜衫好呢？打開衣櫃，發覺自己大部份都係T-shirt 牛仔褲…就算係裙都係牛仔短裙，好似全部都係0岩場合咁…

跟住亞雅望住衣櫃入面一個紙袋…好啦，就佢啦！

(閱讀全文)

四位家長入到屋~~~係到四圍望~~~~心諗，賊都未有能力搞到咁亂，所以俗語講得0岩，日防夜防，家賊難防。

d 燈炟無晒，預0左架啦~

鞋櫃少左隻門，係鄭生張床上面~唔緊要~~整得返~~

整唔返既係……有兩張凳碎0左，記住，唔係爛0左，係碎0左~~~

同埋要買返 d 碗碟。

今次損失叫少，上次反轉左梳化0個鑊，要買過部電視機。

再睇下佢地生0個兩舊”叉燒”點先~~

Bryan 口邊仲有條菜，好明顯係作晚開拖之時用口接住0左，未及食落肚，但佢好安然咁訓0左係梳化，望到佢個衰樣，都知佢未笑完。

亞雅呢？佢間房好似乾淨過之前，佢著住睡衣訓0左，應該係沖過涼先訓。

四位家長突然好驚，好明顯佢地昨晚咁大鑊，都仲係理智控制下。

如果真係控制唔到理智……房署拆樓應該可以外判比佢地做。

(閱讀全文)

Walking Talking？今時今日有手提唔用？

講一講點解有部 Walking Talking 既原因先啦。

四五年前，亞雅同Bryan 成日傾通宵電話，而0個時手提仲未盛行。

鄭太同張太都成日鬧佢地傾電話傾到咁夜。(當時，張太鄭太對佢地仲係非常嚴謹。)

有日，佢地一齊放學返屋企，就見到呢對 Walking Talking 。

亞雅道： "如果有0左呢樣野~~~我地咪唔會比人鬧 law"(當時，亞雅對Bryan無依家咁無禮貌。)

Bryan：”但收唔收到0架？？？”(當時，Bryan對亞雅都未有依家咁串。)

亞雅："試下先啦。。。。。。。好想試呀~~~"

Bryan：”但係無用0架喎~~~夜，亞媽都會鬧~~~”

亞雅：”我地兩個秘秘密密咪得 law ~”

結果，這對Walking Talking，就成為0左佢地秘密交談之用。

縱然手提流行，呢個仍然係佢地既秘密……天生一對既秘密。

(閱讀全文)

鄭生扭住耳仔："係我衰，0個晚心急，貪方便，衝落樓下士多買……"

張生同時扭住耳仔：” 係我衰，0個晚心急，貪方便，偷0左佢d袋用…”

就係咁，未懂性開始，Bryan同亞雅已經知有對方既存在，讀埋同一間幼稚園，小學，中學，甚至大學都係。

(閱讀全文)

好彩佢老豆老母無整蠱佢，生得佢靚靚仔仔，英俊瀟灑，人如其名，俊朗。

高大，靚仔，把口”朗”過油，細心，溫柔，你數得出既優點佢都會有，簡直係唔係人。不過佢真係唔係人，係魔鬼，無數侶伴既佢，基本上無乜女仔逃得出佢既魔掌。

佢有個綽號，唔係溝女王，亦唔係界女王，因為太 in 啦。佢個朵，非常out ，叫做"墳場故爺仔"，喻意為"溝死女"，係"精裝追兔仔"年代至hit既術語，無計啦，因為好耐之前，亞張生溝女已經天下無敵。

(閱讀全文)