08年度都就過,竟然都可以比佢食個尾糊搶灘上到榜首,確係有佢個人之處.....

奇洛理維斯落到地球，係開啟滅世程式……但顯然佢決心不足,唔想殺人…….咁既然係以唔想殺人為原則,咁點解唔之前做好搜集先呢?

好明顯,外星人既 research 係好渣,空有高科技,但只係派”人”落地球觀察,唔自己去用儀器觀察人類點破壞地球,或者檢查下地球既受傷程度……..如果一間公司,唔做好research 就開project,你話幾大鑊?

跟住,reporting好有問題,得個亞伯同奇洛理維斯講幾句,就可以下決定……呆……依家係毀滅人類, 毀滅一組文明,唔係買盒奶呀~~個亞伯係唔係周遊列國又唔知,憑佢既說話,顯然好似無乜做過research 甚至我相信個亞伯唔試上internet………如果真係靠”人”,都唔該派多d人去做觀察,問多幾個人先決定…..奇奇洛理維斯點可以相信一段唔廣泛又唔太可信既說話去做決定?................如果一間公司,剩係信一個好似亞伯咁既人……..你話會點…

同場加映……..就算普通話唔普及,但相信特務都會識多國語言,唔好以為講普通話就無人知你地講乜先得架…….好明顯又係做research 唔夠深入(甚至無做…..)

再跟住, 奇洛理維斯一落到地球,猛話要見晒d地球元首……..見唔到人,見埋亞伯,就決定滅世……….點知……..一個地球既二打六動下親情,就可以令奇洛理維斯改變主意…….咁我相信d影帝影后救世仲有把握……..

既然一開始都唔想殺人為本,咁點解唔了解得深入d先呢?最慘就係…….已經開0左個程式…..滅緊世…….前後矛盾,反口覆舌,開0左個project又發覺唔係好對路……..好老細風格…

可喜既係…….亞二打六博士沒有太多理由去支持自己甚至地球,就改變奇洛理維斯既想法…如果打工仔只憑一句 :”我會變……唔好炒我”…..就唔洗比人炒….咁世界一定可以避過金融海潚既裁員潮……

我唔會否定呢套戲既深層意義同精警句子,但就真係完全唔合理………連我咁鍾意奇洛理維斯……都睇到中途想走……

榜首,你係得0既!!!

p.s……片名都呃人…….地球都無停轉過……

其實故事不特別，甚至老土，但勝在夠熱血！夠浪漫！

籃球隊絕境下反敗為勝，在種滿盆栽下的天台翩翩起舞，樹屋看星談情，爬樹夜會情人，無奈分離(其實唔無奈的)，千里尋情人……等等等等，不新鮮的劇情，但能勾起一點點情懷吧？

熱血不是發狂，是一種不再猶豫，勇住直前，是青春才能擁有的！

富有的浪漫其實滿足，細心的浪漫其實是感動，真正的浪漫，是男主角一句 "我沒有放棄畢業晚會"，便千里駕車尋情人，才算浪漫！浪漫是要夠熱血，浪漫是屬於青春的！

雖然已經熱血不起，還是被戲裡的人感動！

女主角很漂亮，陽光笑容，活潑，很典型的校花，但除了這些，她還有一種"很喜歡看到她笑，令人感覺舒服吸引"的感覺，這就是客觀條件評論不了的東西，氣質吧？這種氣質，令不是最世界最美的她也很吸引。

如果你還想尋找那份熱血和浪漫的情懷，請進場吧！

p.s. 大片唔講，本年推介仲有 <緣份吹吹風>。

唉，真係視為之心up，校方講到明，中六學位非先到先得，既非先到先得，派什麼籌可言？

家長學生們，本住搵條命搏，搞出人命睇你校方點揹既心理下，狂鬧校方不是…

我雖然覺得政府無能，好多大機構係自私，但港人亦為之變態，"教育"本身，亦被這些人破壞，我明白讀中六係緊要，但係，在緊張的情況下還能理性思考，才是生活之道。

現在校方派籌，定必要先面試有籌的學生，哪豈非對理性思考的人不公平？

我都明白執輸行頭慘過敗家，你鍾意早十日排都唔關人事，但同模地，校方說非先到先得，你排隊，八號風球，都唔關人事了…

依家出現不公平情況，都是由人破壞制度本身而起。

所以我真係覺得，學校既然是教育的重要地方，理應不派任何籌，發生咩事，貴客自負，等人知道，什麼時候什麼責任，什麼人負，這條路走出來的人，才理智，才堅強。

不過港男確係出色既節目。

鍾意 12 既甜美笑容，唔知幾多號既好身材……係喎，最原始，覺得靚，唔係因為咁0架咩？

相反，港姐，似係一個show，講真，成個港姐節目，我連佢地既樣都未望得清，身村更加比d古靈精怪既衫搞到唔知點咁。

不論港姐或港男既質素，就節目而然，港男比港姐出色。

雖然我明白繁文縟節係乜一回事，但我都係講…點解男仔講女仔好好身材，總給一種下流既感覺？要裝飾為什麼曲線美或好均勻等等，懶係識欣賞咁。反而女仔直接讚男仔好好身材而流口水，就感覺自然…？

我成日都覺得，呢d0野，出於自然既感覺0架嘛。

故事講述主角正太係鄉下畢業後，終於決定暫時離開女朋友 友美，到東京闖一闖。進入新公司既時候，同同學入0黎既美雪傳出誹聞，而正太一眼就鍾意0左美雪……故事就係咁開始。

呢套集合0左大量既青春元素(起碼我自己覺得)。包括正太，杉本，田町既友情；美雪同正太之間既誤會趣事；美雪，正太，友美並非錯綜複雜但糾纏不清既三角關係；撘訕情聖杉本同史上第怪物女角白鳥澤麗子既戀愛；田町同鴨咀頭平凡而生既感情等等等…成套書十一期，但我覺得無悶場，個個位都好 touch，依家翻看亦有味道。

(閱讀全文)

今年除了全球熱買的Harry Potter(但其實我未看過)大結局外，在香港亦在一本很重要的漫畫大結局，它就是……Feel 100%，百份百感覺。

當我拿起大結局的時候，久遺的心跳竟然跑了出來。縱然後段的故事已經失控，但我仍然想知Cherrie究竟情歸何處？許樂如何應付如此劣境？Jerry又失控到什麼地步？Jackie作為守護天使的守護使，結果又如何？

(閱讀全文)

第一套，係<情意拳拳>，只係行應采兒同黃子華爭仔(仔既定義有唔同)兩條線，但只不過係不繼咁搵d 搞笑對白，場面，簡唔中加一兩句有意思但串連唔上套戲既句字，故事好簿弱下…但都可以接受0既…

第二套，就一直都想睇<雙子神偷>……整個雙子門出0黎又唔講下雙子門有幾勁有幾咁特別有幾咁得，咁整0黎把鬼？真係整0黎比Twins 0架咋喎…

好無謂成套戲，無故事之餘不繼用打鬥場面充斥成套戲既電影。雖然我都ok鍾意睇動作場面，ok鍾意睇招式對拆，都ok鍾意睇Twins，但呢 d場面多到連我都問…打完未呀？ 更何況一直反對睇<雙子神偷>既女朋友？佢早已死0左係床上。

成套戲唯一可取，發覺原來張茜真係幾得，張偉健有d料到呀。

唔可以唔提，成套戲最令我有驚喜既係最後，字幕竟然話”欲知後事如何，請看下回分解。”下，乜話？呢套戲都開得第二集？有無搞錯呀？點寫故事0架 ？

睇完兩套戲，我有d心灰，咁既橋都拍到戲，我既願望都係想出本書0者。

(閱讀全文)