點解呢？

係唔係男人特別自私呢？其實又唔係，有時一個男人可以為0左兩個女人，犧牲自己既事業朋友，咁叫唔叫自私先？

咁答案又好多種0既，相信好多人會回應一句”抵死”，但係行為上佢又唔算自私。不過無計，人一但有了愛情，就一定被愛情分配了大部份時間，如果兩份愛情…哈哈，唔犧牲都就無得玩落去。

既然見一個愛一個或者見一個愛多一個係咁辛苦，咁點解又要咁做呢？係貪心呢，只有貪心同唔知足，才會想不停地擁有。(根據非正式統計，細個試過偷0野既男仔，大部份都係見一個愛多一個既人。)

貪心係天性，專一係道德…

經過同 SCN1一夜之後，發覺，原來男人要將感情量化，才可以不”愛一個愛多一個”。

點先為之量化感情？

假設如果你女人有十年感情，千依百順，談婚論嫁，而身邊既新人又粗口又爛玩，喜歡只係一份新鮮感，咁係呢種情況比較下，就唔洗諗啦。

但如你女人有十年感情，但粗口又爛玩，反之新人又千依百順，有潛質談婚論嫁，咁又你點睇？

又假設，如果新人舊人又一樣咁好，咁你又點睇？好殘酷地，要一樣一樣咁比較，到最後，如果新舊人一樣好，但舊人有十年感情，勝出會係舊人。

女人會勁鬧：”依家我係貨物咩？點解要一樣一樣咁比較？係鍾意就鍾意，唔鍾意幾多年感情都無用，變0左心就變0左心！”其實咁講都好0岩0架…

這就是分別了。

女人要專一，只要想起對一個人既感情就可以了。
男人要專一，卻要放低所有人既感情，自虐一下。

唉。

大家都係男人，我明白了，你呢？

SCN1又好，各位好兄弟又好，共勉之。

“呢個著法ok唔ok？”

“咁點先為之靚先？”

其實無論女性時裝界既潮流點變，男仔既喜好都唔會變得去邊。

古語有云，”石榴裙下死，做鬼也風流”

男人係對裙有種莫名其妙既吸引力，但並非逢係裙都好睇~~等小弟代表男人(唔全部都部份)解構乜叫引人死既裙啦。

(閱讀全文)